Sekretari i Përgjithshëm i Partisë Demokratike, Gazment Bardhi, ka shfrytëzuar Ditën e Europës për të theksuar rëndësinë e integrimit të Shqipërisë në Bashkimin Europian dhe për të bërë thirrje për angazhim qytetar në mbrojtje të ëndrrës europiane të vendit.
“Sot është Dita e Europës, ditë e shënuar për të gjitha kombet e vendeve anëtare të Bashkimit Europian, por dhe për Shqipërinë dhe vendet e tjera që konsiderojnë anëtarësimin në BE si të ardhmen më të mirë të kombeve të tyre. Ndaj dhe sot 9 maji ftojmë çdo shqiptar të ngrihet me guxim, vendosmëri për të shpëtuar ëndrrën europiane, të ardhmen e Shqipërisë në Bashkimin Europian nga armiq të egër si Rama, Balluku etj. Por sot është një rast për të shprehur mirënjohjen më të thellë Bashkimit Europian, vendeve anëtare, institucioneve të BE për ndihmën e jashtëzakonshme që i kanë dhënë Shqipërisë në këto 34 vite.”
