Sulmuesi shqiptar, Ernest Muçi, vazhdoi formën e shkëlqyer në kampionatin turk, duke shënuar në transfertën ndaj ish-skuadrës së tij, Beshiktash.
Në minutën e 62-të, Muçi realizoi me një goditje të bukur të harkuar nga krahu i majtë i zonës, duke dërguar topin në cepin e largët të portës dhe duke dhuruar avantazhin 2-1 për Trabzonsporin.
Goli i tij vendosi ritmin e sfidës dhe tregoi sërish cilësitë e sulmuesit shqiptar në një ndeshje shumë të veçantë për të.
