Një përplasje mes dy automjeteve ndodhi sot në autostradën Fier-Lushnje, pranë fshatit Bishqethëm, ku fatmirësisht nuk pati të lënduar.
Nga aksidenti u regjistruan vetëm dëme materiale, ndërsa katër personat që ndodheshin në të dy mjetet dolën pa lëndime serioze.
Policia e qarkullimit rrugor mbërriti shpejt në vendngjarje për të dokumentuar rastin.
Sipas informacionit paraprak, shkak dyshohet të ketë qenë një manovër e gabuar gjatë parakalimit nga një prej automjeteve, që çoi në humbjen e kontrollit dhe përplasjen me barrierat metalike të rrugës.
