Misteri mbi Ervis Martinajn vazhdon. Prej javës së parë të gushtit biznesmeni i basteve është zhdukur pa gjurmë.
Policia e shtetit arrestoi një efektiv policie që ishte rekrutuar nga Martinaj dhe nuk ka dhënë më asnjë informacion.
Gjallë apo vdekur?
Policia nuk di të thotë. Agjenti i arrestuar ka heshtur.
Burime kontradiktore në media theksojnë se Martinaj për herë të fundit është kapur nga kamerat e sigurisë së bizneseve në Shijak.
I veshur me shapka dhe tuta për të mos tërhequr vëmendjen dhe syze dielli, 40-vjeçari lëvizte i qetë nën mbrojtjen e policit që në fakt duhet ta arrestonte.
Por ku e dorëzoi ai?
Agjenti nuk ka pranuar që të flasë. Aludimet janë të shumta, por zyrtarisht ende nuk ka asgjë.
