Për shumicën e njerëzve, ky është një zakon i padëmshëm, por ndonjëherë kafshimi i buzëve mund të tregojë një problem shëndetësor.
Artriti në nofull
Kur artriti prek nofullën mund të keni ndryshimë në formë, inflamacion, probleme me hapjen dhe mbylljen normale të gojës. Nëse përveç kafshimit të buzëve vëreni një dhimbje kur lëviz nofullën si dhe dhimbje koke apo dhëmbi, ka shumë gjasa që të keni edhe artrit të nofullës.
Kërcitja e dhëmbëve
Bruksizmi, ose kërcitja e dhëmbëve, mund të kontribuojë gjithashtu në deformimin e nofullës, duke çuar në kafshimin e buzëve pa dashje. Njerëzit që vuajnë nga bruksizmi shpesh në mënyrë të pandërgjegjshme shtrëngojnë nofullën e tyre gjatë natës ose gjatë gjumit. Një tjetër simptomë e kësaj sëmundjeje është dhimbja e kokës.
Malokluzioni
Malokluzioni ose “kafshimi i keq” është një nga problemet më të zakonshme dentare. Kur keni malokluzion, dhëmbët tuaj të sipërm dhe të poshtëm nuk përputhen kur mbyllni gojën. Mjekët shpjegojnë se nëse nofulla nuk është e pozicionuar siç duhet, personi shpesh kafshon buzën. Kjo ndodh, për shembull, kur nofulla e sipërme dhe e poshtme nuk kanë të njëjtat përmasa ose ka dhëmbë të tepërt ose kur mungojnë ose kanë formë të çrregullt.
Ankthi apo depresioni
Njerëzit që kafshojnë buzët shpesh vuajnë nga ankthi ose depresioni.
