2000 persona të tjerë të bllokuar nga përmbytjet u shpëtuan nga Forcat e Armatosura të Pakistanit , më shumë se 1200 të vdekur deri më tani
Forcat e armatosura të Pakistanit kanë shpëtuar 2,000 njerëz të tjerë të bllokuar në ujërat e përmbytjeve, sipas një deklarate.
Fatkeqësia e paprecedentë, e cila i atribuohet ndryshimeve klimatike, ka zhytur rreth një të tretën e vendit dhe pritet të vazhdojë.
Shirat e rrëmbyeshëm, të cilët kanë arritur nivele rekord këtë vit në sezonin e musoneve dhe shkrirja e akullnajave në Pakistanin verior, kanë shkaktuar përmbytje që kanë vrarë të paktën 1208 njerëz, përfshirë 416 fëmijë, tha Autoriteti Kombëtar i Menaxhimit (NDMA).