Detaje të reja kanë dalë në lidhje me atentatin ndaj dy policëve të ndodhur gjatë mbrëmjes së sotme në Vlorë.
Një shtetas ka qëlluar me armë drejt policit të parullës së Vlorës dhe policit kufitar të Sarandës.
Ngjarja e rëndë ka ndodhur në lagjen “Partizani” të Vlorës.
Mësohet se policët janë qëlluar me armë teksa ishin duke udhëtuar me një makinë private tip fuoristradë tip “Audi”.
Teksa në krah është afruar një makinë tip “Volkswagen” dhe nga aty një person i panjohur ka nxjerrë armën nga xhami duke qëlluar në drejtim të policëve.
