Një atentat ndaj dy efektivëve të policisë në Vlorë, ka sjell reagime të ashpra nga faktorët politikë.
Dhe kjo pasi ngjarja ndodhi në mes të qytetit të Vlorës. Arbri Agalliu, deputeti i PD-së në këtë qark është shprehur se situata e rendit në vend është më shumë se e rënduar aq sa për këtë arsye u shkarkua edhe Drejtori i Përgjithshëm i Policisë, Gledis Nano.
“Pas kanabizimit të vendit dhe përfshirjes në policinë e shtetit të personave me rekorde kriminale sot nuk ndan dot se cili kërkon kë. Në një nga zonat më të banuara, sikurse është Lagja Partizani në Vlorë, krimi godet shtetin. Krimi godet dy efektivë policie. I godet për shkak të detyrës apo për shkak të përfshirjeve në afera kriminale, këtë do ta zgjidhë drejtësia por ajo që ka më tepër rëndësi është ky akt kriminal dhe guximi për të goditur uniformën e policisë së shtetit”, u shpreh Agalliu.
