Biznesmeni shqiptar Fatmir Ara është gjetur i vdekur në Itali. Ai ishte shpallur i zhdukur nga familja që në datën 2 shtator.
Biznesmeni është gjetur në një zonë fshati në San Carlo Canavese (Torino).
43 vjeçari ishte pronar i kompanisë Nuova Edile me seli në Mathi. Menjëherë pasi gruaja e tij bëri denoncimin, karabinierët nisën kërkimet dhe pas dy ditësh Fatmir Ara u gjet i vdekur në një rrugë fshati, jo shumë larg vendit të punës.
Pista e parë ku po heton policia italiane është ajo e vrasjes, pasi në trupin e biznesmenit me origjinë shqiptare janë gjetur tre plagë të shkaktuara nga armë zjarri.
Disa vite më parë (2018) 43-vjeçari është arrestuar dhe i dënuar me tri vite burg.
Në atë kohë, ndaj shqiptarit ishin bërë disa denoncime nga bashkëshortja e tij për dhunë, po ashtu dyshohej se mbante armë pa leje.
Ndër të tjera bashkëshortja në atë kohë e kishte denoncuar edhe për përfshirje në punë të paligjshme.
