Qeveria ka gati paketën e dytë anti-krizë. Miratimi pritet që të bëhet në muajin shtator. Njoftimin për këtë paketë e bëri vetë pak ditë më parë ministrja Delina Ibrahimaj.
Sot ministrja e Financave ka shkuar më tej. Ajo ka publikuar shifrën që është vendosur në dispozicion për paketën e dytë.
Pak ditë më parë tha se do të jetë e njëjtë me paketën e parë.
“Ky akt normativ i përgjigjet krizës së energjisë dhe të çmimeve. Fokusi është akomodimi i mbështetjes për kategoritë.
Synimi është shtrirja në kohë e paketës për të përballuar rritjen e çmimeve. Janë 6.1 miliardë lekë që do të përdoren për paketën.
Do të rriten me 13 miliardë lekë shpenzimet, më së shumti për të përballuar rritjen e çmimeve.
Parashikohen masa për të ndihmuar familjet përballë çmimeve, janë parashikuar fonde për kontratat publike” tha ministrja.
