Policia e Korçës ka arrestuar një 47-vjeçar me akuzat për “Ushtrim i biznesit në mënyrë të paligjshme” dhe “Kontrabandë”.
Forcat Blu njoftojnë se pas një denoncimi që kanë marrë se shtetasi A.A zotëronte një biznes të paligjshëm, kanë shkuar për kontroll në lokalin e tij.
Efektivët kanë konstatuar se 47-vjeçari ushtronte aktivitetin në këtë lokal, pa dokumentacionin përkatës dhe pa kasën fiskale.
Gjithashtu, në një nga ambientet e lokalit u gjetën produkte kozmetike, me mbishkrime në gjuhën greke, të dyshuara të kontrabanduara, të cilat u sekuestruan në cilësinë e provës materiale.
