Kryetari i PD-së, Sali Berisha është shprehur se shkarkimi i Gledis Nanos u bë pa arsye dhe se Rama shtiret teksa kërkon që të zbardhet fati i biznesmenit Vis Martinaj. Pasi sipas tij, vet vëllai i Edi Ramës është i implikuar në biznesin e lojërave të fatit me Martinajn.
“Rama e shkarkoi, Gledis Nano, pasi siç thotë populli, ra në korrent. Ai zbuloi një aferë të madhe të të vëllait, Olsi Ramës, me ato call centerat. Që të shkarkosh një njeri pa motiv kjo tregon se tij nuk e zbaton ligjin.
Pas një muaj pasi është zhdukur, kërkon të sqarohet çështja e Vis Martinajt. Të gjithë e dinë se ai ishte biznesmeni i lojërave të fatit. Olsi Rama ishte biznesmeni në hije. Mendon se njerëzit nuk e dinë që ai merrej me baste në Shqipëri dhe në Gjermani. Me zhdukjen e tij ky mendon se i lau duart,” është shprehur Berisha.
