Një 39-vjeçar , ka rënë në prangat e policisë këtë të shtunë, pasi kishte mjellë bimë kanabis në Mallakastër.
Bëhet fjalë për Hair Kalemaj, të cilit iu gjetën edhe 2 armë pa leje.
2 armët e gjahut u sekuestruan dhe u asgjësuan me anë të djegies bimët e dyshuara narkotike cannabis sativa.
“Si rezultat edhe i informacioneve të marra në rrugë operative, është finalizuar operacioni policor i koduar “Mollaj”, në kuadër të të cilit u arrestua në flagrancë shtetasi:
-H. K., 39 vjeç, banues në Mollaj, Mallakastër, për veprat penale “Kultivimi i bimëve narkotike” dhe “Mbajtja pa leje e armëve të gjuetisë dhe sportive”.
Në oborrin e banesës së 39-vjeçarit, shërbimet e Policisë gjetën të kultivuara bimë të dyshuara narkotike cannabis sativa, të cilat u asgjësuan me anë të djegies. Gjatë kontrollit të imtësishëm edhe në banesën e të arrestuarit, u gjetën dhe u sekuestruan 2 armë gjahu pa leje”, njofton policia.
Materialet procedurale i kaluan Prokurorisë pranë Gjykatës së Shkallës së Parë Fier, për veprime të mëtejshme.