Prokuroria e Tiranës ka regjistruar procedim për dy sulmet kibernetike të Iranit në 15 korrik dhe mbrëmjen e së premtes. Hetimet mësohet se janë hapur për disa vepra penale.
“Të dy sulmet po hetohen në një dosje. Sulmet janë me të njëjtën topologji. Janë kryer një sërë veprimesh hetimore. Kemi bërë kërkesë për ndihmë juridike në disa shtete” deklaron prokuroria.
Në 15 korrik u sulmuan faqet e shërbimeve online. Ndërkohë që tre ditë më parë u godit sistemi TIMS.
Për dy sulmet, kryeministri Edi Rama e drejtoi gishtin nga Irani dhe ndërpreu marrëdhëniet diplomatike.
Teherani e mohoi. Por SHBA thelloi më tej sanksionet ndaj regjimit të Teheranit.
