Një aksident është shënuar mbrëmjen e kësaj të mërkure në fshatin Goskovë në Korçë.
Një makinë tip “Ford” ka përplasur një burrë dhe një grua të cilët ndodheshin një karrocë që tërhiqej nga kali. Për pasojë ata janë plagosur dhe janë dërguar në spital. Mësohet se janë jashtë rrezikut për jetën.
Informacioni i policisë:
Korçë/Informacion paraprak
Më datë 14.09.2022, rreth orës 19:50, në aksin rrugor Korçë-Voskopjë, pranë fshatit Goskovë, shtetasi E. Q., duke drejtuar mjetin “Ford”, është përplasur me një karrocë që tërhiqej nga një kafshë dore.
Për pasojë ka marrë dëmtime shtetasi L. Z., që përdorte karrocën dhe shtetasja M. K., që ndodhej në karrocë, të cilët u dërguan në Spitalin e Korçës dhe ndodhen jashtë rrezikut për jetën.
Drejtuesi i mjetit tip “Ford”, shtetasi E. Q., është shoqëruar në ambientet e Policisë për veprime të mëtejshme procedurale.
