Zbardhen detaje të reja për plagosjen me armë zjarri që ndodhi mbrëmjen e djeshme në Korçë. I plagosur mbeti Romeo Berberi.
Ai mori një plumb në këmbë dhe ndodhet në spital jashtë rrezikut. Por dyshohet se nuk ka qenë ai në shënjestër.
Në dëshminë e tij të parë para grupit hetimor ai ka deklaruar si u plagos. I riu ka qenë në lokal dhe një person ka hyrë brenda duke qëlluar me breshëri në dysheme.
Pa shënjestër. Duket se objektivi nuk ka qenë në lokal. Berberi është ngritur dhe në këtë moment një plumb e ka kapur në këmbë. Autori ende nuk është arrestuar.
Romeo Berberi rezulton pa precedent penal.
