Kuvendi vendosi sot që të shtynte deri në 21 tetor afatin e komisionit për Reformën Territoriale.
Por jo vetëm kaq. Duket se palët po tentojnë të arrijnë një pakt për të shtuar numrin e bashkive.
Partia Socialiste tërhiqet nga kundërshtimi për të shtuar numrin mbi 61 dhe kjo ka ardhur pas ndërhyrjes së ndërkombëtarëve.
Por ku ndahen dhe pajtohen palët?
Sali Berisha kërkoi që në hartën me 61 bashki të shtohen edhe 34. Në total me propozimin e krahut të ish-kryeministrit shkon në 95 numri i bashkive.
E ndërsa Sali Berisha kërkon plus 34 bashki, grupi i Alibeajt kërkon edhe 2 më shumë dhe 6 rajone, një më shumë se plani i ish-kryeministrit.
