Ambasadorja e SHBA-së në Tiranë, Yuri Kim, në konferencën “Shqipëri-SHBA” që po zhvillohet në Tiranë në kuadër të 100 vjetorit të vendosjes së marrëdhënieve midis dy vendeve, u shpreh se marrëdhënia mes tyre ka përparuar shumë këto 31 vite.
Ajo tha se SHBA do e mbështesë dhe do jetë gjithmonë pranë Shqipërisë.
“Regjimi i Hoxhës mbylli vendin dhe u përpoq të helmojë miqësinë mes shqiptarëve dhe amerikaneve. Në vitin 1991 pati një fillim të ri.
Edhe pse kam parë me mijëra herë fotografi, ende më prekin shumë fotot e 300 mijë shqiptarëve. U mblodhën në sheshin Skënderbej për të thënë se ne jemi me ju, për të dëgjuar sekretarin Baker se liria funksionon. 31 vite pas rënies së komunizmit mbetet ende shumë për të bërë. Mendoni sa shumë kemi përparuar. Ne jemi me ju dhe ju jeni me ne!”, u shpreh ajo.
