Një operacion kundër korrupsionit ka vënë në pranga 5 persona deri më tani. Bëhet fjalë për mjekun Fitim Marku, i cili u kap në flagrancë teksa merrte nga një paciente shumën prej 200 mijë lekë të vjetra kundrejt shërbimit të skanerit.
Në fakt pacientja ishte një agjente e policisë dhe sipas burimeve mjeku ndiqej prej kohësh pasi kishin ardhur disa denoncime për të. Mësohet se në spitalin e Traumës do të ketë arrestime të tjera, të mjekëve të përfshirë në korrupsion.
Nga ana tjetër, 4 punonjës në Universitetin Bujqësor janë lënë në burg pasi abuzuan me një tender për plehrat kimik, duke falsifikuar dokumentet dhe i përvetësuan ata.
Mësohet se në pranga ka përfunduar drejtori i fermës Ali Rasha, magazinieri i qendrës Ahmet Mejdani dhe Përgjegjësi i Sektorit të bujqësisë Tahir Ballgjini.
Ndërkohë, rektori i Universitet Bujqësor është dhe operatori ekonomik janë duke dhënë shpjegime për përfshirjen e tyre në këtë çështje.
