Ish-ministri i Shëndetësisë në Kosovë, Numan Baliq është dënuar me burgim për veprën penale abuzim seksual.
Por Baliq nuk po e vuan dënimin pasi ka ikur nga Kosova. Burimet e Sinjali kanë bërë me dije se Baliq dyshohet se tashmë është vendosur në shtetin e Bosnjë Hercegovinës, ku pritet të ushtrojë profesionin e mjekut.
Baliq është dënuar nën akuzat se më 12 gusht 2020, në Spitalin e Përgjithshëm në Pejë, në zyrën e tij, me dashje e në cilësi të profesionistit shëndetësor duke keqpërdor gjendjen shëndetësore të viktimës A.I, e nxit të njëjtën që ta prek me qëllim seksual pa pëlqimin e saj.
