Kryetari i PD-së, Sali Berisha dha sot katër arsye përse Edi Rama largoi Gledis Nanon nga posti i drejtorit të përgjithshëm të policisë së shtetit. Sipas tij, Nanon e penalizoi mungesa e lidhjes me kriminelët e qeverisë për të vazhduar detyrën.
“Largimi i Gledis Nanos mund t’u them ju në 30 vite është një nga aktet më mafioze të shtetit, sepse ai ishte një komisar i gjeneratës së re. Emri i të cilit nuk figuronte në 130 narko-komisarët e raportit të SHISH.
Nuk kam pasur asnjë iluzion se do të jetë njeri i suksesit Gledis Nano. Nuk kisha informacion për lidhjet e tij me grupet kriminale. Po të kisha pasur…Mungesa e këtyre lidhjeve ishte diçka pozitive. Ai u përball me këto probleme.
Problemi kryesor, u përball me ministrin, që donte me cdo kusht që donte këshilltarin e tij të shkarkuar me lidhje me drogën nga ministër socialist. I larguar për në Gjermani. I njohur si një nga arkitektët e përhapjes së drogës në jug, Aranit Arapi. Ai nuk i hapi rrugën atij. Së dyti doli jahti me vela plot drogë.
Ky pati edhe një cështje të madhe me Edi Ramën, që ishte e call center-ave. Doli emri i Olsi Ramës. Është një hetim në dijeninë time një hetim gjerman.
Por së fundi, del se përveç këtyre mundet edhe ca probleme të zonjës Balluku, të këtyre linjave. Së fundmi, siç është fjala franceze: “Cherchez la femme” (Kërkoni femrën).” tha ai.
