Ish-kryeministri Sali Berisha tha sot se nuk ishin vetëm iranianët, por edhe hakerat rusë dhe serbë që u futën në sistemet shqiptare për të marrë të dhënat.
“Nga burime të trefishta informoj shqiptarët se në operacionin e shkatërrimit të infrastrukturës dixhitale janë përveç të tjerësh, iraninë, janë pjesëmarrës hakera të qeverisë, rusë dhe serbë. Kjo është e konfirmuar për opozitën nga burime shumë serioze” tha Berisha.
“Qeveria ka shkatërruar të gjitha sistemet e policisë me qëllimin e vetëm për të zhdukur provat që ekzistojnë mbi lidhjet e tmerrshme të Edi Ramës, Ballës, Gjiknurit, Veliajt me krimin.
Në një akt të paprecedent, të revanshit të krimit në këtë vend dhe këtë shtet, qeveria ka shkatërruar të gjitha sistemet e policisë.
TIMS-in, databazën e policisë shkencore, e cila përmban çdo gjë rreth kriminelëve dhe grupeve kriminale, ka shkatërruar MEMEX-in dhe faktikisht kemi të bëjmë me një asgjësim total të punës afro 30-vjeçare të Policisë së Shtetit shqiptar” tha më tej ai.
