Kreu i PD-së, Sali Berisha ka zhvilluar një takim ditën e sotme me qytetarët e Gramshi, ku ka folur për investimet dhe krizën që ka kapluar jo vetëm atë zonë por gjithë Shqipërinë.
Ai është shprehur se investimi i vetëm i bërë në Gramsh është ai i Kaskadës së Devollit, të cilin Berisha e ka bërë po vetë.
“Sot shqiptarët janë të paktën 30 % më të varfër se në vitin 2013 dhe ua them me vërtetësinë më të madhe, sot ata duhej të ishin minimumi 2 herë më të mëkëmbur se në vitin 2013.
Koha matet me zhvillimet që ndodhin gjatë saj. Po të pyesim sëbashku veten, çfarë zhvillimesh kanë ndodhur këto 8 vite në Gramsh, përveç projektit të madh të Devollit, që nuk është i këtyre viteve.
Siç e dini ju është i qeverisë së mëparshme dhe herën e fundit që kam qenë në këtë rreth kam qenë në inaugurimin e Kaskadës së Devollit dhe disa orë pas meje, erdhi Edi Rama dhe deklaroi se kjo është gënjeshtra e radhës e Sali Berishës,” është shprehur ai.
