Frika se një luftë bërthamore mund të pushtojë botën ka kapluar çdo shtet. Askush se di me saktësi se çfarë ka në mendje Putin...
Megjithatë shumë vende në botë kanë filluar të marrin masat paraprake. SHBA ka shtuar forcat inteligjente, për të identifikuar çdo lëvizje të rusëve ose komunikim që mund të tregojë se Vladimir Putin ka urdhëruar përdorimin e armëve
Shtetet e Bashkuara dhe agjencitë e inteligjencës aleate po shtojnë përpjekjet për të identifikuar çdo lëvizje ushtarake ruse ose komunikim që mund të tregojë se Vladimir Putin ka urdhëruar përdorimin e armëve bërthamore në Ukrainë.
Lajmi u bë i ditur nga Politico, duke iu referuar pesë zyrtarëve aktualë dhe ish-zyrtarë të lartë amerikanë.
Burimet paralajmërojnë se çdo shenjë që lideri rus ka vendosur të bëjë të pamendueshmen në një përpjekje të dëshpëruar për të kapur iniciativën ose për të frikësuar komunitetin ndërkombëtar për të përmbushur kërkesat e tij – mund të vijë shumë vonë.
Shumica e avionëve rusë, së bashku me raketa konvencionale dhe raketahedhës, mund të japin gjithashtu armë bërthamore taktike më të vogla.
Këto armë janë të dizajnuara për përdorim më të synuar në fushën e betejës sesa armët strategjike si raketat balistike ndërkontinentale.
Ato dërgojnë sinjale kur njësitë e tyre janë në gatishmëri ose grumbullohen për stërvitje.
Kjo do të thotë se nëse Putini ose komandantët e tij nuk duan që bota ta dijë paraprakisht, SHBA-të mund të mos e dijnë kurrë se kur forcat ruse kalojnë nga municionet.
