Agjencia e Mbikëqyrjes Policore ka vendosur nën hetim katër zyrtarë të policisë në komisariatin nr. 1 për ndërtimet pa leje.
Pak ditë më parë në Farkë u bllokua pallati i biznesmenit Julian Morina, i gjithi pa leje, sipas qeverisë.
Në hetim administrativ ndodhet Shefi i Komisariatit nr 1, Bujar Mehmeti, Flamur Sula shef i postës policore në Farkë, inspektori i krimeve, Alban Rama si dhe Nazmi Kareci me detyrë specialist.
Sipas AMP-së, që drejtohet nga Ardi Veliu zyrtarët kishin informacione për ndërtimet pa leje në zonën e Liqenit të Thatë dhe në Farkë, por nuk kanë ndërhyrë për të ndërprerë punimet.
Këto hetime vijnë pas akuzave të kryeministrit Edi Rama i cili u shpreh se ka policë dhe shefa komisariatesh që kanë lejuar të ndërtohen pallate pa leje.
