Policia e Tiranës ka arrestuar dy të rinj për prodhim dhe shpërndarje lëndësh narkotike.
Raportohet se Armando Behari 23 vjeç dhe Brunald Shakaj 33 vjeç te dy banues në Tiranë shpërndanin lëndë narkotike kokainë, në një qendër tatuazhesh në rrugën “Sulejman Delvina”.
Gjithashtu mësohet se Brunald Shakaj kishte shkelur masën e sigurisë “Arrest në shtëpi”.
Gjatë kontrollit fizik ndaj këtyre shtetasve dhe kontrollit në ambientet e kësaj qendre, shërbimet e Policisë gjetën dhe sekuestruan, në cilësinë e provës materiale, lëndë të dyshuar narkotike të llojit kokainë, të ndarë në doza, gati për shitje.
