Ukraina ka aplikuar zyrtarisht për të qenë pjesë e NATO-s.
Njoftimin e ka bërë të ditur vet presidenti i Ukrainës, Volodymir Zelensky.
“De facto ne tashmë kemi marrë rrugën për në NATO. De facto ne tashmë kemi dëshmuar pajtueshmërinë me standardet e Aleancës.
De fakto. Sot Ukraina po aplikon për të bërë këtë de-jure. Ndjekja e një procedure që përputhet me rëndësinë tonë për mbrojtjen e të gjithë komunitetit tonë.
Ne po bëjmë hapin tonë përcaktues duke nënshkruar aplikimin e Ukrainës për pranim në NATO në mënyrë të përshpejtuar”, tha ai.
Ky veprim vjen menjëherë pasi Vladimir Putin deklaroi sot aneksimin e katër rajoneve të pushtuara në Ukrainë.
