Anëtari i këshillit kombëtar të PD-së, Aleksandër Biberaj i kërkoi sot Sali Berishës që të vendosë datën për protesta kundër qeverisë Rama.
Ish-kryeministri, tha se mirëkupton dhe e ndjen atë që po “vlon”, referuar rebelimit të qytetarëve, sipas tij.
Debati në mbledhje
Paloka: Faleminderit doktor, tani do të kalojmë në çështjen e vetme. Kështu që media….
Aleksandër Biberaj kërkon fjalën në sallë
Berisha: Të flasë edhe Sandri (Aleksandër Biberaj)
Paloka: E do me media?
Berisha: Po, po…
Aleksandër Biberaj: Duhet të kemi një axhendë dhe datë për protesta. Ai (Rama) do aksion politik nuk rrëzohet me konferenca shtypi apo Facebook.
Edi Paloka: Një sekond, a ka mundësi të mos flisni të gjithë. Këtë pikë e kishim herën e kaluar në rendin e ditë, që u fol për greva dhe protesta.
Aleksandër Biberaj: Duhet të bëjmë një axhendë. Situata poshtë është shumë më e zjarrtë se këtu. Ka shkuar në një pikë të tmerrshme. Si do i fitosh zgjedhjet në Tiranë ku po pastrohet paraja? Duhet të përmbysim këtë monstër për të shkuar në zgjedhje.
Sali Berisha: Nuk ka dyshim. Beteja duhet të nisë sa më parë.
