Sot hakerat e ‘Homeland Justice’ publikuan një tjetër listë me të dhëna sensitive të qytetarëve të dyshuar për ngjarje të ndryshme. Të dhënat e sistemit “MEMEX” të policisë së shtetit.
Emër, mbiemër, numër ID, foto, data dhe vendi i lindjes shfaqen në dokument për rreth 90 mijë qytetarë të dyshuar.
Ndër to janë edhe të dhënat e Ministres së Shtetit për Marrëdhëniet me Parlamentin, Elisa Spiropalit, ministrit Niko Peleshi dhe deputetes Mimi Kodheli.
Nuk dihet për çfarë ngjarje dyshohen. Gjithashtu në listë ishte edhe gazetari Armand Shkullaku, por edhe emra të tjerë të njohur dhe panjohur.
