Guvernatori i Bankës së Shqipërisë, Gent Sejko deklaroi sot se rritja ekonomike është ngadalësuar dhe inflacioni, çmimet janë rritur akoma më shumë. Ushqimet dhe nafta qëndrojnë në vendin e parë.
“Rritja e shpejtë e çmimeve mbetet rreziku për stabilitetin financiar. Normalizimi synon kthimin e inflacionit në objektiv dhe kosto sa më të ulëta.
Në korrik dhe gusht inflacioni u rrit me 7.5 dhe 8% si pasojë e rritjes së çmimeve të ushqimeve dhe naftës” tha ai.
Në këto kushte, Sejko tha se Këshilli Mbikëqyrës i Bankës së Shqipërisë ka vendosur sot që të rrisë me 0.5% normën bazë të interesit duke e çuar në 2.25%.
