Policia e Shkodrës njoftoi ditën e sotme për një ngjarje kriminale të regjistruar në orët e para të ditës.
Sipas policisë, 42 vjeçari Armand Babaj ka denoncuar sulmin me armë që iu bë atij në fshatin Vukatanë në Vaun e Dejës.
Plumbat, sipas tij dhe më pas të konstatuara nga vetë policët kapën vetëm makinën tip “Toyota”, të cilën e kishte marrë me qira. e 42-vjeçari kishte vetëm dy muaj që ishte kthyer nga Anglia.
Plumbat kanë arritur të shkaktojnë vetëm dëme materiale në mjet. Pas ngjarjes, ai ka lajmëruar policinë.
Ende nuk dihet se kush janë autorët e kësaj ngjarjeje apo shkaqet që mund t’i kenë shtyrë për të bërë këtë pritë.
Dy janë pistat ku po heton policia, nëse ka konflikte me persona të tjerë apo ngjarja është e inskenuar. Babaj nuk rezulton me precedent të mëparshëm penal.
