Pasditen e djeshme Lulzim Basha zhvilloi një takim me strukturat e PD-së në Berat. Thirrja nga ish-kryetari e disa prej strukturave të jugut të vendit pas atyre të veriut pak ditë më parë ka shkaktuar debat në mbledhje.
Ish-kryebashkiaku demokrat i Mallakastrës, Agron Kapllanaj i ka kërkuar Bashës sqarime se pse merr pjesë në këto takime me demokratët kur vetë është tërhequr.
“A e kuptoni se jeni një kryetar partie i dështuar në të gjithë betejat politike për 9 vjet?”, ka thënë Kapllanaj.
Për të mësuar më shumë për takimin, “5pyetjet.al” zhvilloi një bisedë me Agron Kapllanajn, i cili rrëfeu detaje të tjera nga takimi i tensionuar mes palëve.
Intervista për “5pyetjet.al” e Agron Kapllanajt
A janë të vërteta lajmet në media që keni pasur një debat me zotin Basha?
Debat nuk kishte, por ka disa të vërteta.
Ju i keni thënë që jeni i dështuar?
Pak a shumë.
Zëra të tjerë kundër ka pasur?
Aty kishte çështje dhe diskutime.
Ju jeni pro apo kundër që Lulzim Basha të nxjerrë kandidatë për kryetar bashkie?
Unë jam me PD-në, aty ku është zyrtarisht PD-në.
Jo kthimit të Lulzim Bashës?
Jam kundër kthimit të Bashës në PD. Kundër marrjes pjesë në këto aktivitete dhe rikthimit kryetar partie.
Kjo po e përçanë akoma më shumë PD-në, kthimi i Bashës në këto takime?
Nuk i bën mirë PD-së. I japim një shkas akuzave që ka bërë deri tani me këto thashethemet që Lulzim Basha drejton PD-në, “ne bëjmë lojën e Bashës”, këto thashetheme që nuk i bëjnë mirë PD-së.
Lulzim Basha kishte ndonjë argumente për takimin që iu thirri?
Ishte ftesë miqësore që kishte bërë një prej kolegëve tanë në Berat.
Me Berishën ju e keni mbyllur përgjithmonë?
Absolutisht po.
