Detaje të reja janë publikuar në mediat italiane për grabitjen e banesës së yllit të Juventusit, Angel Di Maria. Mësohet se një prej të arrestuarve është shqiptar. Ky i fundit mësohet se është 31 vjeç dhe ka një histori të gjatë me precedentë penalë.
Komanda e grabitësve përbëhej nga 4 persona që mbërritën në bordin e një Alfa Romeo Stelvio Quadrifoglio e regjistruar në emër të një biznesi me qira, por e gjetur e vjedhur dhe me targa të falsifikuara.
Shoferi mbeti në bord, ndërsa tre burra me xhaketa sportive dhe kapele bejsbolli u ngjitën në një shkallë që të çonte në shtëpinë e dy yjeve “bardh e zi”.
Ata ndoshta u fshehën pas një gardh dhe prisnin mbërritjen e makinës të Di Marias, i cili kaloi nëpër portë rreth orës 19:30.
Pak çaste më vonë një kamerë video survejimi i filmoi ata teksa kalonin rrugën për t’u ngjitur mbi gardhin e ulët, por pajisjet inteligjente private që ruajnë vilën e kampionit argjentinas 24 orë në ditë kanë vënë re lëvizjet e dyshimta në kopsht.
Alarmi në qendrën operative të komisariatit ka qenë i menjëhershëm dhe janë aktivizuar procedurat e sigurisë. Di Maria u kthye në shtëpinë e tij dhe u dërgua në një dhomë të sigurt.
Një patrullë ka kapur tre grabitësit që po iknin para portës. Njëri arriti të humbiste menjëherë gjurmët. Dy të tjerët rrëshqitën në kopshtin e një vile tjetër. Më pas zbritën nga skarpata për të arritur në makinën e përgatitur për arratisje. Por, aty gjetën rrugën e bllokuar nga një patrullë tjetër.
Ata u arratisën në këmbë dhe 31-vjeçari shqiptar u arrestua pas një ndjekjeje të shkurtër dhe një përleshjeje të dhunshme. Prokurori Bucarelli e akuzoi për 8 krime, nga tentativa për grabitje deri te plagosja, duke kaluar në rezistencë.
