Çmimi Nobel në ekonomi e kanë fituar 3 studiues të cilët kanë bërë kërkime mbi krizat në bankat financiare.
Ben S.Bernake, Dougle W. Diamond dhe Philip H. Dybvig janë emrat e 3 studiueseve që fituan çmimin.
Vitin e kaluar, çmimi u fituaa nga David Card për kërkimin e tij për pagat minimale, imigrimi dhe arsimi.
Ai analizoi se si ndikonin këto faktorë në tregun e punës.
Çmimi i vendosur nga banka qendrore suedeze në kujtim të Alfred Nobelit është i fundit nga shpalljet e çmimit Nobel për vitin 2022, i cili filloi më 3 tetor me shkencëtarin suedez Svante Paabo që merr çmimin në mjekësi për punën e tij mbi ADN-në e Neandertalit.
Tre shkencëtarë fituan së bashku çmimin në fizikë të martën francezi Alain Aspect, amerikani John F. Clauser dhe austriaku Anton Zeilinger – për punën e tyre në fizikën kuantike.
Çmimi Nobel në kimi iu dha të mërkurën amerikanëve Carolyn R. Bertozzi dhe K. Barry Sharpless dhe shkencëtarit danez Morten Meldal për punën e tyre në kiminë e klikimeve.
