Ku thërret qameti. Kështu mund të përkufizohet gjendja ku ndodhet futbolli shqiptar. Futbolli në Shqipëri nuk është vetëm Kategoria Superiore, por edhe ato inferioret, por kushtet nuk japin shpresë. Një shembull konkret vjen nga Saranda.
Ndeshja Dinamo – KF Butrinti e vlefshme për turin e parë të Kupës së Shqipërisë, e parashikuar për t’u zhvilluar ditën e sotme nuk do të luhet.
Dinamo njofton se klubi mik ka njoftuar skuadrën dhe FSHF-në se për arsye distance dhe mungese lojtarësh, nuk mund të udhëtojnë në Tiranë.
Dinamo fitoi ndeshjen e parë në Sarandë me rezultatin 0-1, me golin e shënuar nga Diogo Da Silva.
Blutë kalojnë në raundin tjetër të kupës, ku përballë do të ketë fituesen e çiftit Kastrioti – Vora.