Tragjedia që ndodhi dje në Klos me tre të vrarë është kryefjalë në Shqipëri. Nga dëshmitë e familjarëve të viktimave dhe autorit janë zbuluar detaje të reja për ngjarjen që nisi pas ngacmimit të vajzës së autorit nga dy adoleshentë në rrjetet sociale.
Fatbardh Mjeshtri, vëllai i autorit të masakrës në Klos ka rrëfyer se si e kanë marrë vesh kërcënimin që dy kushërinjtë po i bënin vajzës.
Ngacmimet dhe lidhjet ai tha se i morën vesh përmes një mesazhi anonim që i kishte shkuar babait të vajzës, Fiqiri Mjeshtri, nga një person që rrinte në Angli.
“Renato ka pranuar se ka pasur pëlqim dikur, por ishin ndarë. Vajzën nuk e dinim se kush e kërcënonte. Kanë vazhduar komunikimet në një lidhje të gjatë me djalin Shira.
Fatbardhi u shpreh se vëllai i ndjerë e kishte marrë vesh se po i shantazhonin të bijën nga një mesazh anonim. Një çun vëllai e kam në Angli dhe i dërguan një mesazh ku thuhej “Bro, kujdes se vajza e Fiqriut ka të bëjë me një djalë.
Më vjen keq për ju se po marroheni”. Ai ia nisi këtë mesazh babait të gocës. Këtë mesazh ma tregoi vëlllai. I thashë janë mesazhe anonime, mos u shqetëso. Kam takuar babain e Renatos dhe i tregova këtë mesazh, i thashë se goca ka kaluar një traumë.
I ati i tij më tha se nuk ka mundësi, do ta pyes çunin dhe do të flasim bashkë. Djali nuk e pranoi një gjë të tillë. Ishte takimi i parë që ka ndodhur rreth një javë.
U takova vetëm unë me Renaton dhe babain e tij. Ai tha nuk është e vërtetë. Ai më tha se ka pasur pëlqim, e më tha për Kenadin. Ai ka ardhur nga Durrësi në Klos, i ka bërë mesazh vëllait, më prit në Klos se jam një çun nga Klosi e kemi diçka për të folur. Vëllai më merr në telefon e më thotë se i ka shkruar.
Vëllai ishte i revoltuar dhe i thashë lëre se merrem unë. E takova dhe i thashë se dua të të pyes diçka për Sarën. U futëm te makina e tij dhe i thashë merre babin në telefon e të vijë, se kemi diçka serioze për të folur. Lidhje me presionin e vajzës së vëllait, i thashë më shpjego pse e kërcënon.
Djali u shpreh: Më ka bërë një ftesë dhe e kam pranuar. Kemi biseduar për një kohë të gjatë dhe në fund Sara i ka thënë se nuk mund të shoh si shok, se ti qenke djalë bukurosh dhe më ke prish mendjen. I thashë nuk të paska sharë, ajo të ka pëlqyer.
E kur e pyeta për kërcënimin, i thashë se i ke marrë fotot nga rrjetet. ‘Jo tha, e kam bërë nga inati, se shkuan edhe me një djalë tjetër’. Ata ja faturonin njëri-tjetrin. Ai tha ‘dua t’i nxij jetën vajzës” tha Fatbardh Mjeshtri.
