Dje kryeministri shqiptar, Edi Rama, mbajti fjalim për dekonstruktimin e raportit të ish-senatorit Dick Marty, ndërsa këngëtarja kosovare me famë botërore, Dua Lipa, ka shpërndarë një pjesë të fjalimit të Ramës, ku dhe ka kërkuar liberalizimin e vizave për shtetasit e Kosovës.
Lipa këtë “thirrje” e bëri në një postim në rrjetin e saj social Instagram.
“Më lini të lirë, liberalizimi i vizave”, ka shkruar Dua në mbishkrimin e postimit duke e etiketuar Ramën.
Kujtojmë se sot Këshilli i Bashkimit Europian diskuton në lidhje me mundësinë e heqjes së vizave për shtetasit e Kosovës në zonën Schengen.
