Një ngacmim në rrjetet sociale humbi tragjedinë me tre të vdekur në Klos dhe dy të plagosur rëndë. Shkak u bë një vajzë 16-vjeçe, e cila tashmë humbi të atin që i dha fund jetës duke u vetëvrarë, pasi ekzekutoi baba e bir, Ilir dhe Kenado Shira. Por si është gjendja e saj?
Mjeshtri u shpreh se mbesa e tij ka qenë para dy ditësh në spital dhe se gjendja e saj mund të përkeqësohet edhe më shumë pas masakrës që ka ndodhur.
“Vajza ka qenë edhe para dy netësh në spital. Tani që ka ndodhur kjo gjë vajza mund të bëhet edhe më keq. E kupton që në fatin e saj, ndodhën gjithë këto gjëra, humbi babanë dhe mund të nisë hasmëria” tha Fatmir Mjeshtri, vëllai i autorit të masakrës në Klos.
Fatmir Mjeshtri tregoi se vëllai i tij, Fiqiru që vrau dy persona dhe veten takoi Kenado Shirën dhe babain e tij dhe u ka thënë, që duhet të merrnin vajzën për nuse, që ky muhabet të mbyllej, por nuk është rënë dakord dhe konflikti i tyre ka përfunduar deri në vrasje.
