Ambasadorja e BE-së në Shqipëri Christiane Hohmann i ka dorëzuar zyrtarisht proges-raportin, presidenti Bajram Begaj.
Ky i fundit është shprehur se hyrja në BE është një prioritet strategjik i Shqipërisë dhe objektiv i pandryshueshëm. Po ashtu presidenti i ka bërë thirrje institucioneve për transparencë të plotë dhe të jenë të përgjegjshëm në këtë drejtim.
“Me këtë rast, Presidenti Begaj u bën thirrje për përgjegjshmëri e transparencë të gjithë institucioneve shtetërore, për përfshirje të gjithë aktorëve institucionalë, politikë e shoqërorë, duke e konsideruar integrimin një objektiv dhe interes parësor kombëtar.
Konsensusi dhe mbështetja e agjendës së integrimit nga pozita dhe opozita janë të domosdoshme për përparimin e reformave dhe adresimin e gjitha çështjeve të ngritura në raport,” ka njoftuar zyra e shtypit të presidentit.
