Një 48-vjeçar ka vrarë nënën e tij në Itali dhe më pas ka lajmëruar policinë. Mësohet se e moshuara vdiq si pasojë e dhunës që i biri i varur nga lëndët narkotike ushtroi mbi të. Mediat italiane shkruajnë se ngjarja e rëndë ka ndodhur në Subbiano, në provincën e Arezzo-s.
“Kam vrarë nënën time, ejani,“- kështu është shprehur në telefon me karabinierët autori i krimit.
Në vendngjarje ka shkuar prokurorja publike kujdestare Françeska Eva, kolonel Claudio Rubertà, komandant provincial i karabinierëve dhe major Silvia Gobbini, e cila drejton Arezzon.
