Më 23 tetor në Tiranë do të organizohet e Maratona “Run for Peace”. Gara do të zhvillohet për 4 kategori të ndryshme, Marathon 42 km, Half Marathon 21 km, Tirana 10 km dhe kategoria “We Too”, për të gjithë personat me aftësi ndryshe.
Si pasojë e Maratonës më 23 nëntor do të jenë të bllokuara disa akse rrugore.
“Rendi i rrugëve që do të bllokohen janë: Bulevardi ‘Zogu i Parë’, ‘Bulevardi i Ri’, rruga ‘Dedë Gjon Luli’, rruga e ‘Durrësit’, rruga e ‘Kavajës’, ‘Ibrahim Rugova’, ‘Myslym Shyri’, ‘Gjergj Fishta’, ‘Bajram Curri’, ‘Lekë Dukagjini’, sheshi ‘Nënë Tereza’, rruga ‘Gjergj Filipi’, rruga ‘Papa Gjon Pali’, rruga ‘Ismail Qemali’ , bulevardi ‘Dëshmorët e Kombit’, ura te rruga e ‘Elbasanit’, rruga ‘Xhoxh Bush’ dhe rruga ‘Abdi Toptani’”, sqaroi kryebashkiaku ditën e sotme në takim me institucionet për organizimin e Maratonës.
