Ish-kryeministri Sali Berisha sot feston ditëlindjen e 78-të. Në mëngjes Berisha ka ndarë një foto në Facebook me bashkëshorten me mbishkrimin se po udhëton njëherazi në dy stinë.
“Sot 78 vjeç! Udhëtoj njëheras në dy stinë. Në vjeshtën e bukur të jetës dhe në një pranverë të re politike! Lavdi zoti! Mirënjohje të pakufishme familjes time dhe të gjithëve ju miq” shkruan ai.
Mesazhet për kryetarin e PD-së kanë qenë të shumta. Mes tyre nuk ka munguar aleati kryesor në betejën kundër Edi Ramës. Ilir Meta i ka dërguar urime të përzemërta. “Gëzuar ditëlindjen Prof.Dr. Sali Berisha! Shumë urime të përzemërta” shkruan Meta.
