Një 31-vjeçar është arrestuar nga policia e shtetit këtë të diel. Ai ishte i shpallur në kërkim për mashtrim.
Gjatë ndalimit policia i gjeti të riut, një armë zjarri dhe municione luftarake.
“Shërbimet e Policisë, në vendin e quajtur ish-Parku, kanë lokalizuar shtetasin E. Xh., të cilit gjatë kontrollit fizik, iu gjetën dhe sekuestruan, në cilësinë e provës materiale, një armë zjarri pistoletë dhe municion luftarak.
Pas verifikimeve të kryera, ka rezultuar se 31-vjeçari ishte i shpallur në kërkim pasi ka përvetësuar, shumën prej 5000 euro, nga një shtetas, me pretendimin se do t’i blinte një automjet,” ka njoftuar policia.
