Policia e Durrësit ka arrestuar një 21-vjeçar me iniciale A.L për veprën penale “Vjedhja”, kryer më shumë se një herë.
Pas një hetimi disamujor nën drejtimin e Prokurorisë pranë Gjykatës së Shkallës së Parë Durrës, është finalizuar operacioni policor i koduar “Seriali”.
Sipas njoftimit të policisë dyshohet se i riu, nga muaji prill deri në muajin tetor të këtij viti, ka vjedhur shuma parash, steka me cigare dhe produkte të ndryshme ushqimore, në 15 subjekte të ndryshme private në qarkun e Durrësit.
Në cilësinë e provës materiale janë sekuestruar mjete të ndryshme, që i riu i përdorte për kryerjen e vjedhjeve.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
