SPAK ka çuar në gjyq dosjen në ngarkim të Gjergj Cukalit për shpërthimin me eksploziv ndaj biznesmenit Gjon Mena në Kamzë.
Në dosje janë edhe dy emra të tjerë; Enver e Edmond Jamaku. Të tre këta persona janë të dyshuar për atentatin në 9 shkurt 2021.
Të dyshuarit akuzohen për vrasje në tentativë dhe grup të strukturuar kriminal. Në krye akuzohet se qëndronte “i forti” i “Myslym Shyrit” Gjergj Cukali që drejtonte vrasësit me pagesë.
Jamaku deklaroi se Cukali i kishte premtuar 30 mijë euro në këmbim që ai të vendoste tritolin në mjetin e biznesmenit Mena. Si pasojë e shpërthimit Mena pati dëmtime në gjymtyrë.
Pas rrëfimeve të vëllezërve Jamaku u zbuluan edhe disa baza me armatime në Tiranë, mes tyre arsenali i armëve në 10 prill 2021 banesën e Sokol Xhurës në një tunel të fshehur midis mureve në banesën e tij.
