Dy policët që shoqëruan në komisariat 32-vjeçarin Lear Kurti, i cili vdiq në ambientet e komisariatit nr.3 në Tiranë janë pezulluar nga puna. Mësohet se policët do të jenë të pezulluar deri në fund të hetimeve.
Si ndodhi ngjarja
Ngjarja e rëndë u regjistrua në Tiranë në orët e vona të së mërkurës (19 tetor). Laer Kurti nuk i ishte përgjigjur thirrjes së policisë për të ndaluar e për t’i kontrolluar dokumentet dhe ishte larguar me vrap.
Pas ndjekjes, ai u ndalua në rrugën “Don Bosko” dhe u shoqërua për në Komisariatin Nr. 3. Gjatë shoqërimit i riu është ndjerë keq dhe gjendja e tij shëndetësore është përkeqësuar papritur.
Më pas ai është shoqëruar drejt spitalit të Traumës. Policia deklaroi se ai vdiq në spital, por Spitali i Traumës tha se 32-vjeçari kishte mbërritur pas shenja jete.