Uniformat blu, një deklaratë zyrtare kanë njoftuar se ishin vënë në përgjim agjencinë e dyshuar se sillte para ilegale nga Bari në Durrës prej një muaj.
Kjo pasi dyshohet se disa herë, Elidon Çela, i cili dhe drejtonte kompaninë “Buon Aventura” sillte shpesh sende të vjedhura nga ana tjetër e detit.
Pas kontrollit të imtësishëm, në pjesën e sipërme të një autobusi janë gjetur të fshehura 6 qese plasmasi, brenda të cilave kishte disa pako, me rreth 500 000 euro.
“Në portin e Durrësit, si rezultat i një hetimi njëmujor të kryer nga Policia Kriminale e DVP Durrës, për mundësinë e futjes së një shume të madhe eurosh në vendin tonë, nëpërmjet portit të Durrësit, gjatë ditës së sotme, në kuadër të operacionit policor të koduar “Eurot”, është ushtruar kontroll i imtësishëm nga Seksioni kundër Krimit Ekonomik dhe Financiar i DVP Durrës.
Nga Policia e DVP Durrës janë shoqëruar disa persona dhe vijon puna për numërimin e saktë të sasisë së eurove dhe për identifikimin e kapjen e personave të përfshirë,” kanë njoftuar blutë.
