Zbardhen detaje të tjera për 34-vjeçarin Indrit Ndoji i cili u gjet të premten i vrarë me armë zjarri dhe i hedhur në një kanal në anë të rrugës në Fushë Krujë.
Autori ende nuk dihet. Një nga pistat dyshohet se lidhet me faktin që autorët nuk kanë dashur që ta vrisnin, por kanë synuar që t’i bënin presion.
Kjo për shkak se ndoshta ata kërkonin të merrnin informacion nga 34-vjeçari Ndoji për një çështje të caktuar. Por goditja me kaçavidë i shkaktoi hemorragji duke i shkaktuar vdekjen.
Gjatë gjithë ditës së enjte, Indrit Ndoji ka qenë në një lokal pranë mbikalimit të Fushë-Krujës dhe më vonë gjatë ditës në një tjetër lokal në aksin Krujë-Milot. Lëvizjet e 34-vjeçarit janë filmuar nga kamerat.
Viktima ka qenë i skeduar 1 vit më parë për trafik klandestinësh. 34-vjeçari u gjet i hedhur në një kanal në anë të rrugës në Fushë Krujë të premten pranë banesës së prindërve të tij.
