Një ngjarje e rëndë është regjistruar mbrëmjen e djeshme në Taranto të shtetit fqinj Itali, ku raportohet se, në dy pika të ndryshme të qytetit, u gjetën trupat e pajetë të një burri dhe të një gruaje. Sipas hetuesve, bëhet fjalë një vrasje dhe një vetëvrasje.
50-vjeçari mund të ketë vrarë bashkëshorten e tij 52-vjeçare duke e mbytur dhe më pas dyshohet se është vetëvrarë në një apartament tjetër. Duket se gruaja kishte probleme shëndetësore, natyra e të cilave i nënshtrohet verifikimit. Burri, Roberto Delli Sant I, nënoficer i Marinës, u gjet i varur në një vilë në zonën e San Vitos.
Trupi i gruas, Silvia Di Noi , e cila kishte një leckë në gojë, u gjet në shtëpinë e çiftit në Viale Virgilio. Alarmi u ngrit nga i biri, i cili nuk mund të kontaktonte me prindërit e tij dhe kishte frikë se diçka e rëndë kishte ndodhur. Në atë moment ai lajmëroi familjarët e tjerë, të cilët shkuan në banesën në Viale Virgilio dhe zbuluan trupin e 52-vjeçarit.
