Një shqiptar ekzekutoi gruan me origjinë rumune në Itali pas debateve të vazhdueshme në familje. Mediat italiane shkruajnë se Avni Mecja është shqiptari që qëlloi gruan me thikë brenda në shtëpi pas sherrit. Ngjarja ndodhi në Bolzano.
Viktima është Alexandra Elena Mocanu me origjinë rumune. 35 vjeçarja punonte si banakiere. Trupi i viktimës u gjet në banesën e saj pasi të afërmit e burrit lajmëruan policinë. Autoritetet italiane janë vënë në lëvizje në kërkim të bashkëshortit Avni Mecjes.
Po sipas mediave italiane, shqiptari mori telefonin e gruas që vrau dhe u largua nga Bolzano drejt Shqipërisë. Fakti që ka marrë telefonin me vete, nëse nuk e ka hedhur për autoritetet italiane është një mundësi më shumë për të ndjekur lëvizjet e tij.
